{PUṞAM 386}
((Originally extracted from master file ^PURAM.OCP))
((Last updated on 2004 April 14th))
{PU 386-1} neṭu nīra niṟai kayattu
{PU 386-2} paṭu māri tuḷi pōla
{PU 386-3} ney tuḷḷiya vaṟai mukakka um
{PU 386-4} cūṭu kiḻittu vāṭūṇ micaiya um
{PU 386-5} ūṉ koṇṭa veḷ maṇṭai
{PU 386-6} āṉ payattāṉ muṟṟu aḻippa um
{PU 386-7} veytu uṇṭa viyarppu allatu
{PU 386-8} cey toḻilāṉ viyarppu aṟiyāmai
{PU 386-9} īttōṉ entai icai taṉatu āka
{PU 386-10} vayal ē nelliṉ vēli nīṭiya karumpiṉ
{PU 386-11} pātti paṉ malar pū tatumpiṉa
{PU 386-12} puṟavu ē pul aruntu pal āyattāṉ
{PU 386-13} vil irunta ve kuṟumpiṉṟu
{PU 386-14} kaṭal ē kāl tanta kalaṉ eṇṇuvōr
{PU 386-15} kāṉal puṉṉai ciṉai nilaikkuntu
{PU 386-16} kaḻi ē ciṟu veḷ uppiṉ koḷḷai cāṟṟi
{PU 386-17} perum kal nal nāṭṭu umaṇ olikkuntu
{PU 386-18} aṉṉa nal nāṭṭu porunam yām ē
{PU 386-19} porāa porunarēm
{PU 386-20} kuṇam ticai niṉṟu kuṭam mutal celiṉum
{PU 386-21} kuṭam ticai niṉṟu kuṇam mutal celiṉum
{PU 386-22} vaṭa ticai niṉṟu teṉ vayiṉ celiṉum
{PU 386-23} teṉ ticai niṉṟu kuṟukātu nīṭiṉum
{PU 386-24} yāṇṭu um niṟka veḷḷi yām
{PU 386-25} vēṇṭiyatu uṇarntōṉ tāḷ vāḻiya ē